धाराशिव लेणी...!!
धाराशिव लेणी.....!! उस्मानाबाद शहापासून ९ ते १० किमी अंतरावर आहेत हे ठाऊक होत, पण लेण्यापर्यंत पोहचण्यासाठी नेमकी वाट कोणती जाती हे माहित नव्हतं. हातलाई देवी मंदिराच्या परिसरात असेल असा माझा प्राथमिक अंदाज होता. मंदिराच्या आवारात पोहचून लेण्यांकडे जाण्याचा दिशादर्शक फलक हुडकू लाहलो पण कुठंच दिसेना. Google Map वाल्याला विचारलं तर लेण्यांकडे जाण्याचा मार्ग उस्मानाबाद शहरातून बार्शी नाक्यावरून उजव्या हाताला टर्न हाणून सरळ निघा असं उत्तर मिळालं. KNG CB Shine गाडीचं स्विच बंद करून ६० च्या स्पीडने हातलाई देवीचा डोंगर उतरू लागलो, आणि सांगितल्या प्रमाणे लेण्यापर्यंत पोहोचलो. ३० ते ३५ पायऱ्या उतरून पहिल्या लेणीच्या मुखाशी असलेला अक्षर पुसलेला माहितीचा फलक वाचून पाय लेण्यांकडे वळाले आणि डोळे थक्क झाले, कारण लेण्यांचा प्रकार मी पहिल्यांदाच पाहत होतो. एकाच मोठ्या डोंगरात तीन वेगवेगळ्या लेण्या कोरलेल्या आहेत. सम्पूर्ण डोंगराचा भार डोक्यावर घेऊन उभे असलेले भले मोठ्ठाले स्तंभ, पाषाण दगडाची भिंत त्...
